L-Erbgħa 2 ta’ Novembru 2016 kont wieħed mill-awturi mistiedna fi Spazju Kreattiv biex naqra x-xogħol tiegħi f’sessjoni ta’ qari bit-titlu ta’SpazjiKliem organizzata minn iDEAT. Din kienet serata miftuħa għall-qari u reċitazzjoni ta’ poeżija, narrattiva u kwalunkwe ġeneru kreattiv ieħor, fi kwalunkwe lingwa.
SpazjiKliem hija parti mill-isforz ta’ iDEAT sabiex ixxerred u tesponi x-xogħlijiet ġodda li qeghdin jinkitbu f’Malta, issaħħaħ il-kultura ta’ qari pubbliku, u toffri aktar kuntesti u spazji informali fejn awturi kreattivi u artisti performattivi jiltaqgħu u jaqsmu x-xogħol tagħhom.
