POSPOST MINĦABBA L-IMXIJA TAL-CORONAVIRUS
Nhar is-Sibt 14 ta’ Marzu 2020, bejn id-9.00am u s-2.00pm, se jsir seminar għal-letturi u l-għalliema tal-Malti biex jiddiskutu l-lingwa, il-lingwistika u l-letteratura fis-sillabi l-ġodda tal-Intermedju u l-Avvanzat. Is-seminar se jsir fil-Librerija tal-Fakultà tal-Arti fl-Università ta’ Malta u d-dħul għalih huwa bla ħlas.
Dawk li jixtiequ jattendu għandhom jibagħtu email lil clare.azzopardi@um.edu.mt jew adrian.grima@um.edu.mt.
L-isem tas-seminar, “Mal-kliem li jaqa’,” ittieħed mill-poeżija ta’ Simone Galea, “Jekk tħobbni, niktiblek poeżija,” li tinsab fil-ġabra tagħha, Xi Drabi Mqar Persuna (KKM, 2011). Din hija waħda mill-poeżiji li hemm fis-sillabu l-ġdid tal-Avvanzat tal-Malti maħruġ mill-MATSEC.
Waqt is-seminar se jsiru preżentazzjonijiet minn David Agius Muscat (l-oral u t-taħriġ il-fehem), David Aloisio (il-poeżija ta’ Oliver Friggieri), il-Prof. Albert Borg u l-Prof. Manwel Mifsud (il-komponenti kostitwenti tal-Malti), Dr Michael Spagnol u Dwayne Ellul (is-semantika), Leanne Ellul (in-novelli ta’ Trevor Żahra), Dr George Farrugia (il-lingwa ġenerali), Dr Marco Galea (Karnival), Joseph Vella u l-Prof. Adrian Grima (Ħelsien), u Dr Immanuel Mifsud (il-poeżija ta’ Simone Galea). Id-diskussjonijiet se jitmexxew minn Clare Azzopardi, Joseph Borg u Patrick Sammut.
Is-seminar huwa maħsub għal dawk kollha li jgħallmu l-Malti fil-livell postsekondarju iżda huwa miftuħ għal dawk kollha li jixtiequ jattendu.
Matul is-seminar se jkollna l-ikel u x-xorb.
Il-programm tas-seminar (li jimxi mas-sillabu tal-Avvanzat):
| 8.45am | Ninġabru għas-seminar |
| 9.00am | Ftuħ tas-seminar minn Clare Azzopardi u Dr Michael Spagnol |
| Il-lingwa u l-lingwistika: Imexxi Joe Borg | |
| 9.10am | David Agius Muscat, It-taħdit, il-qari u l-kitba fit-taqsima tal-lingwa |
| 9.30am | Dr George Farrugia, Ma’ min rajtek xebbahtek, kif smajtek għaraftek |
| 9.50am | Prof. Albert Borg u Prof. Manwel Mifsud, Il-Malti: Mużajk Lingwistiku |
| 10.10am | Dwayne Ellul, Is-semantika fid-dizzjunarji u t-teżawri |
| 10.25am | Dr Michael Spagnol, Xi jfisser it-tifsir? |
| 10.30am | Diskussjoni fuq is-Semantika |
| 10.50am | Waqfa |
| Il-poeżija u Ħelsien: Imexxi Patrick Sammut | |
| 11.10am | David Aloisio, Friggieri l-Influencer |
| 11.30am | Dr Immanuel Mifsud, Mara li Tħobb |
| 11.50pm | Joseph Vella, Ħelsien, l-Istudenti, u t-tqandil ta’ tratt blat |
| 12.05pm | Prof. Adrian Grima, “Kien miktub li m’għandhomx jiltaqgħu.” L-indħil tan-narratur f’Ħelsien |
| 12.20pm | Diskussjoni fuq Ħelsien |
| In-novelli u d-dramm: Tmexxi Clare Azzopardi | |
| 12.30pm | Leanne Ellul, Il-lingwa tal-letteratura: riflessjonijiet fuq Xemgħat |
| 12.50pm | Dr Marco Galea, Karnival u Randan, Ġdid u Qadim, Tajjeb u Ħażin |
| 1.10pm | Diskussjoni tal-aħħar: Imexxu Clare Azzopardi u l-Prof. Adrian Grima |
| 2.00pm | Tmiem |
adriangrima.org 