Produzzjoni ta’ Teatru Manoel | 29-30 ta’ Awwissu
Direzzjoni ta’ Dorothy Bezzina | Ritratti ta’ Christine Joan Muscat-Azzopardi
It-Tnejn 30 ta’ Lulju 2018 kelli x-xorti nattendi l-kunċert mill-isbaħ tal-aħwa Bezzina bit-tema, IL-KANZUNETTA POPOLARI TA’GAETANO KANTA.
Kanzunetti b’melodija u lirika li jpaxxuk, vuċijiet waħda isbaħ mill-oħra, xeni fuq wara u koreografija li jaqblu mal-figura u l-ispirtu ta’ Gaetano Buttigieg… Proset lil Dorothy Bezzina bħala d-direttriċi, u lil kull min kien involut fil-produzzjoni, kemm dawk li dehru u kemm dawk li ma dehrux.
Hemm xi ħaġa f’dawn il-melodiji “antiki” li ma tinħass antika xejn. Aħna poplu li jitmasħan malajr, li jitqanqal malajr, u li jinsa malajr. Permezz ta’ din il-produzzjoni ‘ġdida’ ta’ materjal ‘qadim’ qed timlew vojt kbir fin-narrattiva tagħna bħala poplu u fl-istorja soċjali u kulturali tagħna tas-snin 50 u 60 tas-seklu 20.
Issa nistennew bil-ħerqa l-preżentazzjoni ta’ Dorothy fis-sena akkademika li jmiss dwar is-sehem ta’ Gaetano Kanta fit-tradizzjoni orali Maltija, Dorothy, bħala parti mill-proġett tad-Dipartiment tal-Malti, L-Università ta’ Malta dwar It-Tradizzjoni Orali.
Ħajr ukoll lil Edward Tagliaferro tad-daqq u l-kant bla ħsieb ta’ “Arana” wara l-kunċert!
adriangrima.org 