Jikteb Walid Nabhan – It-2 ta’ Frar 2017
Il-bieraħ ġie mniedi l-‘polz’ poetiku t’Adrian Grima bil-Għarbi “Masafat” fil-Fiera Internazzjonali tal-Kajr taħt l-awspiċi tal-ambaxxata Matija fl-Eġittu. Dan il-manuskritt ma kienx jara d-dawl mingħajr it-twemmin tal-pubblikaturi Sefsafa rrappreżentati b’tim kbir iddedikat immexxi minn Mr Mohamed El-Baaly, id-direttur ġenerali li nserta wieħed minn dawk in-nies li tasal biex tħobb ‘Eġittu’ sħiħ minħabba l-manswetudni u l-ospitalità tiegħu.
Nixteq nieħu l-opportunita biex nirringrazzja lill-Eċċellenza tiegħu Mr Charles Sultana, l-ambaxxatur, u lil Mr Dennis Grech; first-secretary, tas-sapport u l-interess kbir li ħadu f’dan il-proġett kulturali. Kif ukoll nixtieq nesprimi l-gratitudni tiegħi lejn Malta Arts Council-Cultural Export Fund talli għenuna finanzjarjament.
Abbli l-akbar kisba li għamilna b’dan kollu hi, li semmajna leħinna u leħinna nstema’. Ġejt lura b’elfejn talba biex naqleb aktar kitbiet mill-Malti għall-Għarbi li realistikament ma nistax nagħmilhom waħdi, imma peress li ħassejt li hemm il-ħtieġa u r-rieda ġewnina fuq iż-żewġ naħat, serraħt rasi li din it-triq fi triqitha biex tiġi mwittija.
http://www.battana.org/news-details.aspx?Q=22018&C=1
http://gate.ahram.org.eg/News/1387072.aspx
Min jixtieq jikseb kopja tal-ktieb jista’ jikteb lil Adrian jew lili, jew jikkonsulta s-siti elettroniċi għal min jinsabu barra minn Malta.
adriangrima.org 