It-tikketta — Quinque — qed torganizza webinar fuq Zoom dwar ir-rumanz il-ġdid ta’ Alfred Sant Ir-Rumanz tal-Fieres Safran li se jsir nhar l-Erbgħa 27 ta’ April 2022 fis-7.00 pm. L-intervent tiegħi se jkun dwar “L-Għajnejn Ileqqu bil-Lostru tal-Ġenn.”
Ritratt ta’ Virginia Monteforte għal Inizjamed
Ir-rumanz jiddeskrivi l-avventuri tal-kavallier Markald, membru tal-Mejda t-Tonda tar-re ta’ Kamelott Artur, fl-ispedizzjoni tiegħu lejn is-sud biex jakkwista l-Plattin Sagru. Matulha jasal fil-gżejjer ta’ Gaulos u Melite.
Se tmexxi d-diskussjoni u tieħu sehem fiha Rachelle Deguara. Magħha se jkun hemm Albert Marshall, Dr David Aloisio u l-Professur Adrian Grima.
L-attriċi magħrufa Jane Marshall se taqra tliet siltiet minn mumenti ewlenin fir-rumanz.
Il-webinar se jkun miftuħ għal kull min jixtieq jattendi. Il-ħolqa zoom hi: https://us06web.zoom.us/j/75886309705
Matul il-webinar, dawk li jattendu jkunu jistgħu jgħidu tagħħhom. Kulħadd mistieden.
Id-disinn tal-qoxra tal-ktieb Ir-Rumanz tal-Fieres Safran huwa xogħol l-artist magħruf Pierre Portelli.
adriangrima.org 