Xi ġmiel dan l-album b’erba’ kanzunetti ta’ Michael Azzopardi. Kemm għandu lirika delikata, poetika, mhux pretenzjuża, ħafna drabi intima.
Lil Michael kelli x-xorti nisimgħu għall-ewwel darba u bla ħsieb waqt kunċert ta’ Noah Fabri, Karmaġenn, li organizzaw Samwel u sħabu żmien ilu fil-ħanut tal-ħaxix u mhux biss ta’ Manuela Għajntuffieħa.
Il-kliem u l-vuċi ta’ Michael joqogħdu perfett mal-mużika ta’ Jimmy Bartolo u John Bartolo, u l-vuċi ta’ Cheryl Camilleri. Hemm ċerta maġija intelliġenti fil-proġett kollu. L-aħjar tisimgħu fis-skiet. Idealment ma tismax it-traffiku għaddej, jew musmar joftoq il-blat.
Itik li tisimgħu u terġa’ tisimgħu u tfittex il-kisriet li ma rnexxilekx tisma’ qabel għax kont medhi tisma’ affarijiet oħra.Grazzi ta’ dan ix-xogħol li jmiss il-qalb mingħajr ma jċedi għal emozzjonijiet irħas.
adriangrima.org 
One thought