| Il-Ġimgħa 25 ta’ Settembru, 4.00pm – 7.00pm | Lingwa u Lingwistika | |
| 3.45pm | Ninġabru |
| 4.00pm | Ftuħ tas-seminar minn Clare Azzopardi u Dr Michael Spagnol |
| Il-lingwa u l-lingwistika: Imexxi Joe Borg | |
| 4.10pm | David Agius Muscat, It-taħdit, il-qari u l-kitba fit-taqsima tal-lingwa |
| 4.30pm | Diskussjoni dwar il-lingwa fiż-żewġ sillabi |
| 4.45pm | Dr George Farrugia, Ma’ min rajtek xebbahtek, kif smajtek għaraftek |
| 5.05pm | Prof. Albert Borg u Prof. Manwel Mifsud, Il-Malti: Mużajk Lingwistiku |
| 5.25pm | Diskussjoni dwar il-fenomenu tal-lingwa u l-iżvilupp tal-Malti |
| 5.40pm | Dr Michael Spagnol, Xi jfisser it-tifsir? |
| 6.00pm | Dwayne Ellul, Is-semantika fid-dizzjunarji u t-teżawri |
| 6.20pm | Diskussjoni fuq is-Semantika |
| 6.35pm | Għeluq tal-ewwel jum tas-seminar |
| Is-Sibt 26 ta’ Settembru, 10.00am – 1.00pm | Letteratura | |
| Il-poeżija u Ħelsien: Imexxi Patrick Sammut | |
| 9.45am | Nibdew ninġabru |
| 10.00am | Introduzzjoni: Clare Azzopardi u Adrian Grima |
| 10.05am | David Aloisio, Friggieri l-Influencer |
| 10.25am | Dr Immanuel Mifsud, Mara li Tħobb |
| 10.45am | Diskussjoni fuq il-poeżija ta’ Oliver Friggieri u Simone Galea |
| 11.00am | Joseph Vella, Ħelsien, l-Istudenti, u t-tqandil ta’ tratt blat |
| 11.20am | Prof. Adrian Grima, Ħelsien u n-Narratur Li Dejjem Jindaħal |
| 11.40am | Diskussjoni fuq Ħelsien |
| In-novelli u d-dramm: Tmexxi Clare Azzopardi | |
| 11.55am | Leanne Ellul, Il-lingwa tal-letteratura: riflessjonijiet fuq Xemgħat |
| 12.15pm | Dr Marco Galea, Karnival u Randan, Ġdid u Qadim, Tajjeb u Ħażin |
| 12.35pm | Diskussjoni fuq in-novelli u d-dramm: Tmexxi Clare Azzopardi |
| 12.50pm | Kummenti tal-aħħar: Clare Azzopardi u Adrian Grima |
| 13.00pm | Għeluq |
Nhar il-Ġimgħa 25 ta’ Settembru 2020 bejn l-4.00pm u s-7.00pm u s-Sibt 26 bejn il-10.00am u s-1.00pm se jsir seminar għal-letturi u l-għalliema tal-Malti biex jiddiskutu l-lingwa, il-lingwistika u l-letteratura fis-sillabi l-ġodda tal-Intermedju u l-Avvanzat.
L-isem tas-seminar, “Mal-kliem li jaqa’,” ittieħed mill-poeżija ta’ Simone Galea, “Jekk tħobbni, niktiblek poeżija,” li tinsab fil-ġabra tagħha, Xi Drabi Mqar Persuna (KKM, 2011). Din hija waħda mill-poeżiji li hemm fis-sillabu l-ġdid tal-Avvanzat tal-Malti maħruġ mill-MATSEC.
Waqt is-seminar se jsiru preżentazzjonijiet minn David Agius Muscat (l-oral u t-taħriġ il-fehem), David Aloisio (il-poeżija ta’ Oliver Friggieri), il-Prof. Albert Borg u l-Prof. Manwel Mifsud (il-komponenti kostitwenti tal-Malti), Dr Michael Spagnol u Dwayne Ellul (is-semantika), Leanne Ellul (in-novelli ta’ Trevor Żahra), Dr George Farrugia (il-lingwa ġenerali), Dr Marco Galea (Karnival), Joseph Vella u l-Prof. Adrian Grima (Ħelsien), u Dr Immanuel Mifsud (il-poeżija ta’ Simone Galea). Id-diskussjonijiet se jitmexxew minn Clare Azzopardi, Joseph Borg u Patrick Sammut.
Is-seminar huwa maħsub għal dawk kollha li jgħallmu l-Malti fil-livell postsekondarju iżda huwa miftuħ għal dawk kollha li jixtiequ jattendu. Dawk li jixtiequ jattendu għandhom jiktbu lil adrian.grima@um.edu.mt jew clare.azzopardi@um.edu.mt.
Koordinaturi: Is-Sa Clare Azzopardi u l-Prof. Adrian Grima
adriangrima.org 