Limerikki għall-Kunċizzjoni

IL-ĦOLMA L-KBIRA

Kien hemm wieħed raġel D. B.

li d-dinja kien jaf kif inhi.

Ried jibni ħa jtir

bilfors torri kbir

u jtajjar dik l-S mill-IT.

 

VIŻJONI

BIllejl ġietu din il-viżjoni

li jwettaq mal-ħbieb dil-missjoni:

biex jiekol kulħadd

minn dan l-istess platt

sax-xifer tal-indiġestjoni.

 

SINJURI

Bil-pjan kien imħeġġeġ u kburi

belt ġdida mibnija għas-sinjuri:

sulari bla qies,

ftit siġar għan-nies,

parkeġġ għall-karozzi u l-fjuri.

 

FLOK DROGI U ĠDUR

Fejn jitfa’ dat-torri rigal?

Fejn hemm biss it-telqa u l-fdal!

Flok drogi u ġdur,

għad jinbet il-fjur,

flok xemx jiġi d-dell ta’ binhar.

 

BIL-VANN

Għad-drama fis-sala l-Ħamrun

Fejn tellgħu dir-reċta reċtun,

ġabuhom bil-vann,

ħarġulhom il-fann,

u mlew kullimkien bir-riħ sħun.

 

IS-SUĠĠERITURI

Il-palk kollu miksi bl-atturi,

uħud jirreċtaw ta’ dutturi.

U taħtu, petiti,

ipaċpċu l-periti,

jagħmluha tas-suġġerituri.

 

L-AĦĦAR XENA

Kif għalqet bil-kbir l-aħħar xena,

fost ferħ u ċapċip kollu hena,

fid-dawl illi idda

bħal leqqet il-fidda

u l-ħadma li ttemm l-aħħar ċena.

 

IX-XALATA

Suppost wara r-reċta x-xalata

Sqallija bil-linja privata

‘żda baqgħu bir-riħa

spiċċaw il-Mellieħa,

bil-ħolm saru kollha patata

 


 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s