Nhar is-Sibt 16 ta’ Awwissu, bejn is-2.00pm u l-l-4.00pm, il-poeta Adrian Grima se jkun il-mistieden ewlieni waqt sessjoni oħra ta’ Poetry@fedsquare t’The Atrium f’Federation Square, Melbourne, ħdejn il-bini tal-SBS.
Adrian Grima se jkun akkumpanjat mill-mużiċist magħruf Grieg-Awstraljan, Nick Tsiavos, fuq il-kuntrabaxx.
Bħal f’kull attività oħra ta’ poetry@fedsquare li ssir fit-tielet ġimgħa tax-xahar, kulħadd jista’ jattendi u d-dħul huwa b’xejn. Din l-inizjattiva ilha għaddejja mill-2006 u llum titmexxa mill-poeta Grieg-Awstraljan Dimitris Troaditis.
Fil-qari tiegħu ta’ madwar nofs siegħa, Adrian Grima se jaqra x-xogħlijiet tiegħu bil-Malti u traduzzjonijiet għall-Ingliż, fosthom mill-aħħar ktieb tiegħu li ħareġ, f’Derry l-Irlanda ta’ Fuq, fl-2013, bl-isem ta’ Xufftejk Spjegati / Deciphered Lips.
Waħda mill-poeżiji li se jaqra hija “Furja,” poeżija ġdida miktuba l-Awstralja ispirata min-nirien li ħakmu l-istat ta’ Victoria fl-2009.
Dawk li jixtiequ aktar tagħrif jistgħu jiktbu lil Dimitris Troaditis fl-indirizz poetryfedsquare@gmail.com jew lil Adrian Grima fl-indirizz adrian@maltaforum.org.
—
Nick Tsiavos is a bassist and composer whose work operates at the intersections of a number of cultural boundaries: from 8th century chant to contemporary minimalism, from syncretic hybridisation to experimental improvisation, from church to pub to concert hall.
Since 1994, Tsiavos has been developing new music for the solo bass. As an ‘ethnic’ musician he is interested in, and informed by, non-canonical discourse, while refusing the tokenism that ethnicity often entails.
The diversity of his cultural influences come together to create a new language for the bass – work articulating an intensely personal response to the problematics of contemporary Australian culture.
—
adriangrima.org 